- Basel-Landschaft
- Organisation
- Direktionen
- Sicherheitsdirektion
- Justizvollzug
- Interventionsstelle gegen häusliche Gewalt
- Notfallkarten gegen häusliche Gewalt
- Zordarîya nav malbatê - Kurdisch
Zordarîya nav malbatê - Kurdisch
Di rewşa lezgîn de
Li vê derê agahiyên din ên alîkariya di rewşên lezgîn de hene:
- Polizeinotruf (24h), Tel. 112 oder 117, www.polizei.bl.ch
- Frauenhaus beider Basel (24h), Tel. 061 681 66 33, www.frauenhaus-basel.ch
- Heilsarmee Frauenhaus Region Basel, Tel. 061 302 85 15, Heilsarmee Frauenhause Region Basel
- Notfallstationen Kantonsspital Baselland (Liestal, Laufen, Bruderholz), www.ksbl.ch/notfall
- Psychiatrie Baselland (24h), Tel. 061 553 56 56, www.pbl.ch/notfall
Peyama dengî
Ji bo rewşên ciddî, ev çar şîret hene:
1. Ya yekemîn: Pêşî xwe biparêze.
Di rewşeke awarte de, yekser telefona polîsan bike. Telefona Hejmara 112 an jî 117 bike.
Jin dikarin ji bo xwe û zarokên xwe li ba «Frauenhaus beider Basel» an jî li ba «Heilsarmee Frauenhaus Region Basel» star û ewlehiyê peyda bikin. Ev xizmet bê pere ne û bi siriyet in.
2. Ya duyemîn: Zêdetir agahiyan peyda bike.
Opferhilfe beider Basel di bin xizmeta te de ye, ku şîretan li te bike û piştgiriya te bike. Xizmet bê pere û bi siriyet e. Herwiha tu dikarî di mijarên hiqûqî de jî alîkariyê bistînî. Heke tu bi zimanê elmanî baş nizanibî, Piştgiriya Qurbaniyan dê wergerekî/e pispor ji te re peyda bike.
3. Ya sêyemîn: Bi kesên din re biaxive.
Dilê xwe ji kesekî cihê baweriyê re veke, ku bikaribe alîkarîya te bike û bikaribe di rewşên hawrî de daxwaza alîkarîyê ji te re bike.
Belgeyên girîng ên wekî nasnameya xwe an karta xwe ya bankê li cihekî ewle veşêre.
Hem bi zarokên xwe re jî biaxive û şîretan li wan bike, daku bizanibin di rewşeke hawarî de tevbigerin.
4. Ya çaremîn: Belge bike.
Her bûyerekê, tevî tarîx û demê, tomar bike.
Ji hevalan an kesên ku tu wan nas dikî re peyaman binivîse. Bi vî awayî, bûyer têne tomarkirin.
Heke tu rastî zordarîya laşî an fîzîkî an cinsî hatibî, di zûtirîn dem de here ba doktorekî an jî beşa hawarîyê a nexweşxaneyê.
Muayene bi siriyet e û bêpere ye. Ew muayene dê ji aliyê pisporeke tenduristiyê were çêkirin, ku ji heman zayendê te be. Nexweşxane dê birînên te tomar bike. Ev tomarkirina belgeyan girîng e heke paşê pêdiviya te bi delîlan hebû, wek nimûne ji bo pêşkêşkirina gilîyekî an ji bo jihevcudabûnê, an ji bo dirêjkirina mafê niştecîbûnê.
Zarok
Zarokên li malê li rastî zordariyê tên, hewceyî alîkariyê ne. Gava zarok li malê li rastî zordariya navmalê tên, ev yek li ser pêşveçûna wan bandorên neyînî dike. Ev yek gava zordarî rasterast li zarokê neyê kirin jî bandorê dihêle.
Hin zarok êşê bêdeng dikişînin, yên din diyardeyên cihêreng nîşan didin. Wek mînak: Zehmetiyên li xwendegehê, şilkirina bin xwe/nivîna xwe, serêşî, xerabûna awayê xwarin an xewê, pirsgirêkên danûstendina bi zarokên din re yan jî hêrsbûn/êrîşkarî.
Alîkariya qurbaniyan (Opferhilfe) şêwirmendiya zarok û ciwanan dike, gava ew li rastî vê zordariya navmalê werin. Mirov dikare bi şev û roj telefonî saziya Pro Juventute bike. Kesên li wir kar dikin, axavtina we ji ti kesên din re nabêjin. Ewê li we guhdarî bikin û di lêgerîna çareseriyan de alîkariya we bikin. Telefonkirina Pro Juventute (tel 147) belaş e. Naxwaze li wir nav were gotin. Mirov dikare bi riya SMS, chat û mailê jî xwe bigihîne Pro Juventute.
Mafê mayînê (mafê rûniştinê)
Ger kesek bi riya zewacê li Swîsreyê bi cî bûbe û lê belê li rastî zordariya navmalê were, ew li gor rewşê, piştî cihêbûnê jî dikare li Swîsreyê bimîne. Her rewşek cuda ye. Ji ber vê yekê xwestina şêwirmendiyê girîng e. Saziya alîkariya qurbaniyan (Opferhilfe) dikare alîkariyê bike. Şêwirmendî belaş û bawerîdar e.
Hebûna delîlên zordariyê girîng e. Wek mînak: Wêneyên birîndariyê, qeyda geflêxwarin an destdirêjiya devkî (tacîza bi gotinan) ya li ser ekranê WhatsApp an facebookê û hwv. Divê delîl li ciyekî saxlem werin parastin. Wek mînak, li ba keseke ji derdora xwe ya hevalan yan li ciyê kar û xebatê. Her wiha baş e, ku hin kesên ji derdorê jî li ser zordariyê agahdar bin.
Alîkariya kesên zordarî pêk anîne
Mirov di bernameya hînbûna li hember zordariya navmalê de hîn dibe, nakokiyan bê zordarî çareser bike. Ev derfet ji bo mezinan e. Tevlêbûn belaş e.